Ahu Vah

Hiç n’ideyin bilimezem âh u vâh ‘Ahde vefâ kılımazam âh u vâh Her ne işime kim bakar ağlaram Hiç birine gülimezem âh u vâh Başlı bunar oldu gözüm yaş ile Dindürüben silimezem âh u vâh Korkmuş idim nefsim elinden kaçup Uş dahi kurtulımazam âh u vâh İrte gice korkudan u gussadan Hergiz emîn olımazam âh u vâh Âhiret işlerine ulaşmaġa Dünyeden ayrılımazam âh u vâh Yüz yaşadım nefsim elinden ḳaçup Uş dahi kurtulımazam âh u vâh İrdi eren kâfilesi menzile Ben dürişüp yitimezem âh u vâh Gaflet-i dünye sücisinden katı Esridim ayılımazam âh u vâh Halk arasında nitekim aradım Benden alu bulımazam âh u vâh Ağlar ölümün anup Ümmî Kemâl Bir dirilik bulımazam âh u vâh Cân alıcı cânıma kasd itmedin İlerürek ölimezem âh u vâh