Aklını Aşka Değiş

Sana düşer mi gönül nefs ile hem-vâr olasın Cümle âlem gül ola yollara sen hâr olasın Gönül almazken ele nice dil-âzâr olasın Yoksa zannın bu mudur bunda bekâ-dâr olasın Aklını aşka değiş vâkıf-ı esrâr olasın Nice bir kâr-ı menâhîde düşüp ısrâra Bu kadar za’f ile hammâl olasın evzâra Seg meges gibi bu hırs ile düşüp bâzâra Bu revâ mı sana kim kul olasın ağyâra Aklını aşka değiş vâkıf-ı esrâr olasın Nice bir medresede eyleyesin bahs ü cidâl Bunca dikkatle hayâl maksadına olmaya dâl Görmeden vakt-i ecelde seni bir merdüm-kâl Bu durur sana nasîhat bulagör bâis-i hâl Aklını aşka değiş vâkıf-ı esrâr olasın Nice bir hâce olup eyleyesin cem’-i hitâm Kesb-i mâl ola hüner bilmeyesin hill ü harâm Bu ticârâtın ola son ucu mihnetle garâm Aç gözün özge ticâret edegör ey kes-i hâm Aklını aşka değiş vâkıf-ı esrâr olasın Nice bir şöhret-i âfet nice bir atlas u âl Nice bir eyleyesin zen gibi sen zeyn-i cemâl Merd isen gel nazar eyle n’olacak bunda meâl Yürü merdümlüğe el vur edegör kesb-i kemâl Aklını aşka değiş vâkıf-ı esrâr olasın Nice bir ıyş u tena”um nice bir seyr-i kenâr Gül cemâlinden eser duymaya kahrından hâr Bakmamak ibret ile olmaya mı mü’mine âr Yürü ibâdetle nazar kıl bu durur pend-i kibâr Aklını aşka değiş vâkıf-ı esrâr olasın Sôfiyâ nice yürür mekr-i riyâ dâm-ı abâ Hâlet olmasa elin tuta mı tesbîh ü asâ Hây u hûy furya ile vere mi kalbine ziyâ Yürü var yâr ile yâr ol budur nush-ı giyâ Aklını aşka değiş vâkıf-ı esrâr olasın Ne revâdır edesin vâdî-i imkânı vatan Bir fenâ cismin için ha çekesin cevr ü mihen Sen hümâ kuşu iken ilişe her zâğ-ı zagan Aça himmet perini Ka`be-i cânâna uzan Aklını aşka değiş vâkıf-ı esrâr olasın Salmadın bahr-i fenâya özünü her ten bel Sadef-i dürr-i girân-mâye vere mi ana el Hâr u hâşâki bırak eyleyegör hüsn-i amel Çekmeyem dersen eger hâlet-i mevtinde hacel Aklını aşka değiş vâkıf-ı esrâr olasın Kanı ol âlem-i kudsîde olan zevk-i visâl Mihnet-âbâda nice geldiğini eyle hayâl Âşiyân-ı ezelde azm edegör aç per ü bâl Akl u hûşun çün olur bu sefere bend ü ıkâl Aklını aşka değiş vâkıf-ı esrâr olasın Tutagör yâr eteğin dâmen-i ağyârı bırak Güle ermek dilesen vesvese-i hârı bırak Zahmet-i râhı safâ bil gile vü zâtı bırak Kendi bildiğin ile dikkat-i efkârı bırak Aklını aşka değiş vâkıf-ı esrâr olasın Şemsiyâ defter-i kâli nice bir neşr edesin Hâne-i dilde bu tarrârı nice haşr edesin Bir iki mebde’-i a’dâ nice bir aşr edesin Leb-i tevhîdi gıdâ et nice bir kışr edesin Aklını aşka değiş vâkıf-ı esrâr olasın