Aşıkın Daim İşi

Âşıkın dâim işi efgân olur Vâsılân hayretde hep hayrân olur ‘Âşıkân her dem karâr itmez gezer Vâsıl-ı Hakk bahr-ı bî-pâyân olur ‘Âşıkân bülbül gibi nâlân ider Vâsılân her dem gül-i handân olur Âşıkân görmek diler dîldârını Vâsılân mahbûb-ı ins ü cân olur ‘Âşıkân ‘aşk oduna durmaz yanar Vâsılan bir âteş-i sûzân olur ‘Âşıkân derdinde dermânlar diler Vâsılân bî-derd ü bî-dermân olur ‘Âşıkân iniler Nizâmoğlu gibi Vâsılan dem-beste vü hayrân olur