Abdullah Tamamlar
Aşk Eri Olmak Dilersen
visibility
24 Okunma
Aşk eri olmak dilersen ayağın merdâne bas
Kendini Mansûr-vâr vir kâkül-i dildâra as
İster isen şevkin artsın ey gönül gel câna kıy
Şem’in artar şu’lesi başını kesdikçe makas
Nakd-i cânı kim virüp aldı nigârın bûsesin
Eylemedi kimesne dünyâda bunun gibi as
Tut dilini kes haddinden tecâvüz eyleme
Uluların sözleridir bu benim sözüme nâs
Âsitânından revâ mı ‘âşıkı dûr eyleyüp
Rakîbi idesin lâyık mıdır yanında hâs
Güllere göz değmesin deyü sehergeh bülbülü
Gördüm okur gitmeyüp hergiz dilinden havâs
Çünki gördün yâr Muhibbî zülf çevgân eylemiş
‘Âşık isen başını top eyleyüp meydâna bas