Aşka Essala

Es-salâ ey cümle-i ashâb-ı ‘aşka es-salâ Cân u bâşın terk iden erbâb-ı ‘aşka es-salâ Rûz-ı şeb bîdâr olup ol âh u efgân eyleyen Gözlerinden kân akan ahbâb-ı ‘aşka es-salâ Mâsivâ zünnârını dilden kırup Allah diyen ‘Azm-i lâhût eyleyen ahzâb-ı ‘aşka es-salâ Meşhed-i hakka’l-yakîn olan visâl-i şem’ine Gelsin beru yapışan ashâb-ı ‘aşka es-salâ Es-salâtın ma’nâsın fehm eyleyen ‘uşşâk-ı Hakk Cânını kılup fedâ ol bâb-ı ‘aşka es-salâ Çeşm-i a’mâ gelmesin ol hâsirûn olmuş-durur Vâsılûn gelsin bugün erbâb-ı ‘aşka es-salâ Mantıku’t-tayrın lisânın anlayan gelsin beru Ma’nevîyâ dön yüzün mihrâb-ı ‘aşka es-salâ