Aşkdır

Bu cihânın ibtidâsı ‘aşkdır Yine âhir intihâsı ‘aşkdır ‘Âşıka ma’şûk yönünden irişen Dâimâ feyz ü ‘atāsı ‘aşkdır Her ne cevr ile cefâ olsa çeker Âşıkın zevk u safâsı aşkdır ‘Âşıka kılmaz etibbâ hiç devâ ‘Âşıkın derd ü devâsı ‘aşkdır Ehli ölmez hem müdâm olur diri Cümle hep fânî bekâsı ‘aşkdır Dün ü gün vuslat-ı dildâr isteyen ‘Âşıkın elde devâsı aşkdır Enbiyâ vü evliyâ uydu ana Cümlenin bil muktedâsı ‘aşkdır Bedriyâ ko ‘aklını sen ‘aşka uy Râh-ı ‘aşkın rehnümâsı ‘aşkdır