Bakmaz

Nazâr-endâz olan dîdâr-ı yâre Kubbede hurşîd-i rahşâne bakmaz Âgâh olsa eğer nûr-ı dîdâre Âlemde nukûş-i ekvâne bakmaz Muhabbet olursa gönülde rehber Zevk-i dil esrârı okudur ezber Güneşden güzeldir cemâl-i dilber Cemâli seyreden cinâne bakmaz Mey-i muhabbeti olan zâikler Bezm-i irfânîde olan fâikler Destûr-i mükerrem alan âşıklar Vuslat-ı dergâha derbâne bakmaz Lutfî kurbân olsun merd-i meydâne Kalbinde tevhîdi olmuş dürdâne Meydân-ı tevhîdde merd-i merdâne Olan Hakk’dan gayrı bir yâne bakmaz