Bir Ah Edeyim

Bir âh edeyim âhı da cângâhı da yansın Eflâke çıkıp şu’lesi tâ ‘arşa dayansın Ahvâl-i perîşânıma dildârım inanmaz Yâ Rab o sitemkâra inandır da inansın Yok bende liyâkat bilirim vuslat-ı yâre Ammâ n’ideyim tâli’-i nâ-sâzım utansın Mâdem ki cânân taleb-i cândan usanmaz Bari dil-i zârım tamâ’-ı cândan usansın Ey bâd-ı sabâ zârımı neşreyle cihâna ‘Aşk ehli sükût-i ebediyetden uyansın Gözyaşım ile akdı gözüm rehgüzerinde Fermân ediyor hâk-i derim kâna boyansın Cânını fedâ eylemeyen yâre Kemâlî Beyhûde figân eylemesin âteşe yansın