Bu Darı Fena İçre

Bu dâr-ı fenâ içre bir sâhaya geldim ben Esb-i hevese bindim birkaç sene yeldim ben Hâlimde gider idim deryâ yolumu aldı Etrâfını devr itdim âhir ana daldım ben Ref’ olmadı çün perde tedrîs-i ‘ulûm ile Ağ u karadan geçdim mir’âtımı sildim ben Esmâsına tâbi’ çün zâtım sıfatım fi’lim Çıkdım aradan şerrin tedbîrimi saldım ben Ne tûl-i emel kaydı ne ‘ilm ü ‘amel saydı Bu hayret ocağına bilmem niye geldim ben ‘İlmine dayanmakdan ikrâr-ı cehl yeğdir Şükr olsun ol Allah’a kim cehlimi bildim ben Bu defter-i kesretden bu şöhret ü mihnetden Aldım alımım ey dil besdir eyü güldüm ben Rûyim kararup dişim ağrıdı hevâ ile Dön Rabbine insâf it Şeyhî ki kocaldım ben