Abdullah Tamamlar
Bu Güzel Hoş Koku
visibility
23 Okunma
Bu güzel hoş koku yâ Rab ne cihândan geldi
Ya nesîm-i seher ol ravza-i cândan geldi
Ne tarafdan ‘acabâ bahr-ı hayât itdi zuhûr
Bu güzel nûr u zıyâ hangi mekândan geldi
Bu ‘aceb gulguleyi hayl-i melek mi eyler
Ya budur kahkaha-i hûr-ı cinândan geldi
Bu ne âhenk ola kim raksa getirmiş feleği
Murg-ı rûhun bu safîri ne dehândan geldi
Ne hevâdır bu nefes ‘ıtr-ı dem-i ‘aşk mıdır
Kim hayât-ı dil ü cân dembedem andan geldi
Rîh-i rahmânî Yemen’den ki o Hazret buldu
Cân dimâğına dem-i Veys ‘ayândan geldi
Gûş-i cândır işiden na’ra-i ‘aşkı Hakkı
Ne sadâdır bu ki zerrât-ı cihândan geldi