Bu Kadar Felaket

Bu kadar felâket bu kadar gaflet Her kavm-i küffârda tasavvur olmaz Bu kadar mihnetler bu kadar zahmet El-yevm hiçbiri tezekkür olmaz Bin bu kadar kahr eylese Hudâ’mız Göklerden çağrılsa gelse nidâmız Mahvolmuş gönülden nûr-ı hüdâmız Âhiret âkıbet tefekkür olmaz Gözler kör olmuşdur hakkı görmekden Diller lâl olmuşdur hak söylemekden Kulaklar sağırdır hak dinlemekden Hakkı kabûl etmek tahattur olmaz Kitâbullah ile yokdur hareket Ref’ oldu islâmdan gitdi bereket Kesb etmiş tevhîdde lisân rekâket Tarîk-ı ta’lîmde tegayyur olmaz Namaz farzdır mescidlere varmazlar Kur`ân nedir emrullahı sormazlar Lutfî ulemâyı âdem saymazlar Nîmet-i îmâne teşekkür olmaz