Abdullah Tamamlar
Canu Başı İşbu Yolda
visibility
26 Okunma
Cân u başı işbu yolda eyledim şehâ fedâk
Mahrûm etme hürmetine kavl-i “levlâke levlâk”
Çün elest bezminde “belâ” ‘ahdi mest itdi bizi
‘Aklı yağmâ eyledik hem sînemizi çâkiçâk
Sözümüz hem özümüz birlikdedir Dost ile çün
‘Ahd ü peymân üzre kalb tanık vücûdun it helâk
Yüzünü yerlere sürüp arz-ı niyâz eyle kim
Hakk için vârını sarf it hem vücûdun eyle hâk
Râhatı terk eyle bulsun bu gönül râhatını
Çün huzûr-ı kalb olunca cümle a’zâ oldu pâk
Her umûrun Hakk’a tefvîz eyleyüp kayd eyleme
Ki hevâ-yı nefs için olma perîşân gâmnâk
Mukadderdir her işleri edüp kılan hem itdiren
‘Âciz-i bîçâre kullardan ümîd itme hâşâk
Nice şâhlar pâdişâhlar kapısı muhtâcıdır
Böyle efendiye kul olmuşdur ol zât-i pâk
Yak vücûdun şem’-i nârına sakın fevt eyleme
Sûz-i Hakk’la Sûziyâ kalbini eyle sûzinâk