Daima Cevrü Cefan İle

Dâimâ cevr ü cefân ile gönül râhatdadır Çün sana senden gelir sanma anı zahmetdedir Hâtırından yu gider tarh eyle dünyâ kesretin İresin maksûduna zevk u safâ vahdetdedir Ehl-i ‘aşkız zâhidâ dîdâr ister gönlümüz Anladık fikr ile zikrini hemân cennetdedir Sînemiz beytü’l-hazen yaşım şerâb u dil kebâb Mihnet ü derd ü belâ cem’ oldu dil sohbetdedir Nûş idelden bu Muhibbî cür’a-i câm-ı elest Kimse hâlin anlamaz ol özge bir hâletdedir