Eğerçi İğne Tek Geçtim

Egerçi iğne tek geçtim cihânın her ne varından Henüz ardımcadır kayd-i ta’allûk zülf-i târından Şehîd-i aşk olup feyz-i bakâ kesb eylemek hoşdur Ne hâsıl bî-vefâ dehrin hayât-i müste’ârından Görünmez sûret-i ümmîd-i vaslın levh-i cânımda Mükedderdir meger ol âyine cismim gubârından Uzanır rişte-i tûd-i emel dîdâr zevkiyle Ham açıldıkça ol gül-çehre zülf-i tâb-dârından Sanadır iktidâsı tavf-i kûy-i Leyli etmekde Has ü hârı kopar ey nâka Mecnun reh-güzârından Fuzûlî’den melâmet ihtirâzın isteyen gûyâ Değil vâkıf dil-i sûzan ü çeşm-i eşk bârından Fuzuli