Abdullah Tamamlar
Ey Huda Ben Kulını Fazlınla
visibility
15 Okunma
Ey Hudâ ben kulını fazlınla ehl eyle saña
Cennetinle şâd idüben eyleme senden cüda
****
Var imiş bir cennet anda yok imiş hûr u kusur
Ko habîbin hürmetine sen beni lutf it ana
****
Mâ-sivâdan her ne ki var ise gönümden çıkar
Kalmasun dil kişverinde zerrece hubb-ı sivâ
****
Bende yok ise liyâkat hîç saña ehl olmağa
Sen be-küllî şey’e kadirsin bu câhı vir baña
****
Âdemi hâkden yaraduben halîfe eylediñ
Oldı insân nev’iniñ ceddi atası enbiyâ
****
Gökleri dört günde yaratdın iki günde yeri
Altı günde halk olundı yedi yer yedi semâ
****
Niceler dünyâyı sevdi nice kullar cenneti
Pes bu Kuddûsî kulum saña ehl it ey Hudâ
Ahmed Kuddusi