Ezel Meyhanesinde

Ezel meyhânesinde bâde-i vahdet şerâb olmuş Gönülde o şerâbın katreleri dürr-i nâb olmuş Meyân-ı mey-keşânda bu mey-i ma’nâya kıymet yok ‘Aref dershânesinde ‘ilm-i sevdâ iktisâb olmuş Alup ‘ilm-i ledün-dân halkasında ders-i ‘irfânı Okur bir sûre ki her bir hurûfu bir kitâb olmuş İdüp ‘ilm-i ledün-dân halkasında ders-i ‘irfânı Gönül ‘âlemine ‘aşk-ı ilâhî zü’l-hitâb olmuş O demhâne-i ma’nâda o dem cânân idüb fermân Mukaddem ol meye sâkî Muhammed intihâb olmuş Bu meyin katresi sermestlere bir bahr-i ‘ummândır Ne devlet Lutfî sermestler o ‘ummânda hubâb olmuş