Fakr Mülkü Taht

Fakr mülkü taht ü ‘âlem terki efserdir bana Şükr-li’llah devlet-i bâki müyesserdir bana Zülf ü ruhsârı hayâliyle nedir hâlin dimen Öyleyim kim gece gündüz bes berâberdir bana Hûr ü Tûbâ vasfın ey vâ’iz bugün az eyle kim Hem-dem ol Tûbâ-hırâm ü hûr-peykerdir bana Aradan ey şem’ çık bir gûşe tut kim bu gece Bezm bir hurşîd-tal’attan münevverdir bana Verdi bâd-ı subh bir hurşîd-tal’at müjdesin Şem’-veş veh kim bu dem ölmek mukarrerdir bana Zâhidâ sen kıl teveccüh gûşe-i mihrâba kim Kıble-i tâ’at ham-i ebrû-yı dil-berdir bana Ey Fuzûlî cem’ olur peyveste el nezzâreme Arsa-i deşt-i cünûn sahrâ-yi mahşerdir bana Fuzuli