Abdullah Tamamlar
Gafura Merhamet Eyle
visibility
16 Okunma
Gafura mağfiret eyle beni sen cürmime bakma
Virüb dâr-ı fenanın devletin hicr odına yakma
****
Bana sensiz safâ virmez cinânın ni’meti hergiz
Visalinden cüda idüb beni ol bakceye tıkma
****
Serây-ı dil mülevves oldı evsâh-ı zünûbımla
Anı ‘ışkınla pâk idüb otur içinde hîç çıkma
****
Senin adın Kerîmdir kapuña geldim kerem eyle
Sakalım ak sınık gönlüm benim hâtırcığım yıkma
****
Yarın rûz-ı cezada ‘aybımı setr it hacîl itme
Çeküb ince hisâba halk arasında beni sıkma
****
Virüben cenneti Kuddûsîye ayırmagıl senden
Aña lutf eyle bağrına firak mismârını çakma
Ahmed Kuddusi