Gel Beru Sırrı Keramet İsteyen

Gel beru sırr-ı kerâmet isteyen hâl üstüne Bize Hakk’dan gör ne ‘izzet açılır fâl üstüne Gelmişiz “kâlû belâ”dan zâtını zikr etmeğe Meylimiz yokdur bizim hiç gayrı a’mâl üstüne Biz şerî’atla hakîkat bahrının gavvâsıyız Gitmedik hakdır yolumuz gayrı akvâl üstüne Anladık mansıb-ı dünyâ bâğ-ı âteşdir şedîd Hamdülillâh konmadık ol bend-i ağlâl üstüne ‘Aşka verdik biz cihânın şöhretin hem ‘izzetin Şöhretimiz yok bizim bu dünyâda mâl üstüne Kim ki bâtın ‘âleminde giydi ‘aşkın hil’atin İstemez gayrı libâs ‘âlemde bir şâl üstüne Zâhirimiz pür-fenâdır bâtınımız pür-bekâ Biz değiliz Hakk yolunda gayrı ahvâl üstüne Kisvemiz hurûf-ı âdemdir kerâmet mazharı Nakş eder üstâdlarımız mîm elif dâl üstüne Ey Hudâ lutf eyle sen Ümmî Sinân’ın yolunu Bağla ‘aşkın zencîriyle gitmesin yâl üstüne Ümmi Sinan