Gel Hakikat Erlerinin

Gel hakîkat erlerinin yoluna gir sâlikâ Bulmak istersen eğer dergâh-ı Hakk’a ihtidâ Şem’-i envâr-ı tecellî yakdın ise dilde sen Kalmadı ‘akl-ı ma’âşın nûr ne hâcet sana Tâlib-i ‘irfân isen var sohbet it mürşid ile Sohbet-i mürşid virir çeşm-i dile nûr u ziyâ Sûrete bakma hakîkat ehli sîretdir murâd Sâyede yeksân görünür baksana şâh u gedâ Hakkıyâ müştâk isen nûr-ı cemâle irmeğe Var hicâb-ı gafleti ref’ eyle zikr it dâimâ