Abdullah Tamamlar
Gönlüm İçre Derdü Gam
visibility
25 Okunma
Gönlüm içre derd ü gam evvelkilerle ohşamaz
Kim ol aynın hecri hem evvelkilerle ohşamaz
Ne sitem kim kılsa, rahmi mahfî ermes zımnıda
İmdi kılsa her sitem evvelkilerle ohşamaz
Demeniz Şirin ü Leylî anca var hüsn içre kim,
Hublukda ol sanem evvelkilerle ohşamaz
Cevriden erdi elemler imdi tutmış özge yâr,
Ölmişem kim bu elem evvelkilerle ohşamaz
Aşk arâ Ferhâd ile Mecnûna ohşatman meni
Kim bu sevdâ-yı dicem evvelkilerle ohşamaz
Köyünün ihrâmıdın könlümü men’ itmen yine,
Kim ona azm-i harem evvelkilerle ohşamaz
Ey Nevâî, kılma Cemşid ü Feridun vasfı kim,
Şâh Gâzîden kerem evvelkilerle ohşamaz
Ali Şir Nevai