İlahi Rahı Vasla

İlâhî râh-i vasla kulları irşâd iden sensin Gam-ı firkatden âzâd eyleyüp dil-şâd iden sensin Zebûn-i mâsivâ olmak ne mihnetdir dil ü câna Çü yokdur gayrıdan çâre yine imdâd iden sensin Kiminin hâtırın lutfunla gül gibi şen eylersin Kimin berg-i hazen-veş kahr ile ber-bâd iden sensin Şu kim yâd ola senden nice yâd ide seni hergiz Yine lutf u keremden bendegânı yâd iden sensin Geçirdi mâh u sâli mihnet-i ‘aşkda pîr oldu İlâhî rahm idüp Hakkı kulu âzâd iden sensin