Kerem İt Kullara Ya Hayyu Kayyum

Tarîkat sırrını ‘ayna ayân it Kerem it kullara yâ Hayyu Kayyûm Hakîkat hâlini keşf ü beyân it Kerem it kullara yâ Hayyu Kayyûm Gönüllerden kamu ref’ it hicâbı Okunsun dâimâ vuslat kitâbı İşitsin gûş-i cân andan hitâbı Kerem it kullara yâ Hayyu Kayyûm Sana lâyık efendi kul nitsün Koyup kulluğunu ya kanda gitsün ‘İnâyet eyle ağyârı unutsun Kerem it kullara yâ Hayyu Kayyûm Yed-i lutfunla sun anlara câmı Ki fark itmez olalar subh u şâmı Koyalar baş u cânı ‘âr u nâmı Kerem it kullara yâ Hayyu Kayyûm Esirge Nûrî miskîni ilâhâ Anın gönlünü yap lutfunla şâhâ Fakîrindir kapunda pâdişâhâ Kerem it kullara yâ Hayyu Kayyûm