Kim ki Hakk'dan Geldi

Kim ki Hakk’dan geldi Hakk’a gitmeğe ‘âr eylemez Her ne kılsa hakdır işi gayrı bâzâr eylemez Kim ki Allah ismini kalbinde tekrâr eyledi ‘Ârifin oldur kemâli gayrı tekrâr eylemez Hem şerî’at hem tarîkat hem hakîkat ehlidir Ehl-i vahdet olmayanlar ana ikrâr eylemez Her kime mensûb-ı ‘aşkdan sunmadı Kassâm tâm “Lâ” der ol meydân-ı ‘aşka hergiz ikrâr eylemez Lâ-cerem derler şerî’at ehlinin sarrâfıyız Lâkin ol vasl-ı likâya kat’-ı zünnâr eylemez Dediler bunlara ebrâr ehlidir çün bî-gümân Ehl-i Hakk’a “lâ” demezse menzilin nâr eylemez Her kime ef’âl-i ‘âlem cür’asından sundu Hakk Dört kitâbı nakl edersin hîç öğüt kâr eylemez Şöyle bil nâsût-ı ‘âlem nakşıdır bunlar hemân Tâ’atı ‘âdet kılarlar fi’li ibrâr eylemez Ehl içinde bunlara hayvân-ı nâtık zikr olur ‘İlm-i uhrâdan bular hiç kâr-ı esrâr eylemez Muhtasar elfâz-ı ma’nâdan bu ‘âlem halkının Hâlini fâş eylesem ben illâ Settâr eylemez Bu Sinân Ümmî’yi siz câhil ü nâdân anlaman Halk-ı ‘âlem hâline ‘âlimdir izhâr eylemez Ümmi Sinan