Kuyi Canane Gider

Kûy-i cânâne gider bâd-ı sabâya süvâr ol Sâye-veş yerlere düş zerre gibi sen bî-vâr ol Şem’a-veş yak vücûdun nâr-ı muhabbete bugün Hurşîd-âsâ mâsivâdan yürü terk-i diyâr ol Seni senden dahî artuk sever ol nûr-ı cemîl Der-i dergâhe giden bâd-ı sabâya gubâr ol Sarf idüp ‘âr u vârın gün gibi sâde güzel ol Dürr-i vahdet hâmili dâimâ altun ‘ayâr ol Lutfiyâ çarha çeker ‘âşık olanı bu felek Sabrda eyle sebât himmet atına süvâr ol