Lisanın Zikri Hakk İle

Lisânın zikr-i Hakk ile döner bir âsiyâb eyle Akıt seylâb-ı çeşmin sen demâdem ana âb eyle Terakkî it makâm-ı sırra aldanma kerâmâta Fenâ bul zerreni irken efendi âfitâb eyle Hevâyı terk idüp âteşpereslikden dahi el çek Su gibi her yâne akan özünü bî-turâb eyle Tecerrüd ‘âlemin elden koma var şâh-ı ‘âlem ol Rızâ vü şükrü dünyâda muhassal cânâ hâb eyle Devâmı yokdur dehrin geçer fırsat ele girmez Murâdın bulmada cehd it gice gündiz şitâb eyle Süvâr olup semend-i himmete ‘azm-i vatan eyle Şerî’atle tarîkat pâyesin ana rikâb eyle Koyup bâşını meydâne irenler irdi Mevlâ’ye Eger sen dahi er isen ölümü ihtiyâr eyle Huzûr u râhat istersen tevekkül eyle Mevlâ’ya Vera’la zühd u takvâyı derûnundan sehâb eyle Zuhûrudur hicâb olan yine anın zuhûruna Zuhûra irmek istersen zuhûrun i’tiyâd eyle Vücûdundur sana mâni’ olan Bîçâre maksûda Murâda irmek istersen çalış anı harâb eyle