Murad

Gülşen-i sûretden ey dil bûy-i ma’nâdır murâd Ka’r-ı deryâda sadefden dürr-i yektâdır murâd Cümle-i esmâ tılısm-ı bâb-ı esmâdır hemân Feth-i bâb olmakdan esmâya müsemmâdır murâd Sohbet-i insân-ı kâmil itmeden dâim mürîd Her tecellîde şühûd-ı zât-ı Mevlâ’dır murâd Mâcerâ çokdur hakîkatde velî seylâb-veş Sû-be-sû akmakdan ey dil vasl-ı deryâdır murâd Hakkıyâ bu ‘anber-i sârâ-yı hatdan ruhlere Vaz’-ı hâl-i nokta-i sırr-ı süveydâdır murâd