Mürdüm Cismim İltifatından

Mürdüm cismim iltifatından bulur her dem hayât Ölürüm ger kılmasan her dem bana bir iltifât Yazabilmez leblerin vasfın tamâm-i ömrde Ab-i Hayvan verse kilk-i Hızr’a zulmetten devât Ben fakirim sen gânî vergil zekât-i hüsn kim Şer’ îçinde hem banadır hem sana vâcib zekât Görmeyince hüsnünü îmâna gelmez âşıkın Yüz peyem-ber cem’ olup gösterseler bin mu’cizât Mazhar-i âsâr-i kudrettir vücûd-i kâmilin Feyz-i fıtrattan garaz sensin tufeylin kâ’inât Cevher-i zâtındadır mecmû’i evsâf-i kemâl Bu sıfât ile ki sensin handadır bir pâk zât Aşka ta düştün Fuzûlî çekmedin dünyâ gamın Bil ki kayd-i aşk imiş dâm-i ta’allûktan necât Fuzuli