Nasib Olsun Sana

Kimiyâ-yı fakrı bul devlet nasîb olsun sana İhtiyâr-ı zillet it ‘izzet nasîb olsun sana Tâ’at ile cennete yokluk ile kurbete Zâhir u bâtın iki ni’met nasîb olsun sana Dil-firîb-i kesret olma ‘âlemi bir vehm bil Kesret-i tevhîd ile vahdet nasîb olsun sana Çok-durur emmârelikde ıztırâb-ı nefs-i dûn Mutmainne olagör râhat nasîb olsun sana Derd-i ‘aşka düşmeyen dil-haste-i hicrân olur Zâhidâ var ‘aşka düş sıhhat nasîb olsun sana Kimi dünyâda kimi ‘ukbâda halkın Hakkıyâ Sen cemâl-i Hakk’a bak vuslat nasîb olsun sana