Nefsine Ahvali Naşayestede Kıl İtiraz

Nefsine ahvâl-i nâ-şâyestede kıl i’tirâz Bu cihânın hûb u ziştinden gerekdir ıngımâz Nâme-i a’mâlini ‘ısyân ile kılma siyâh Dü cihânda olmak istersen eger vechin beyâz Kurb-ı Hakk’da maksadın mahbûb-ı Hakk olmak ise Sarf-ı himmet kıl nevâfil içre ba’de’l-iftirâz Tâb-ı temmûz-ı riyâzatda olursan huşk-leb Ravza-i cennetde sana yapılır nice hiyâz Nefsini sicn-i su’ûbetde idersen ihtisâb Açılır firdevs-i a’lâda sana nice riyâz ‘Aksidir çün sûretin ma’nâ hemân lâzım gelir İnkıbâza inbisât u inbisâta inkıbâz Hâb-ı gafletden Salâhî dûr tedârik üzre ol Herkese dâr-ı fenâdan çün gerekdir intihâz