Nideyim Harmeni Ömrim

Nideyim harmen-i ‘ömrim oldı gafletle hebâ İtmedim bir lahza kulluk ki ola Hakka revâ **** Eyledim zâhiri ta’mîr bâtınım oldı harâb Itdi ihrâc beni yoldan nefs ü şeytân u hevâ **** Azığım yok yazığım çok yol ırak yalınuzam Ne olur ‘âkıbetim bu elem ile ‘acebâ **** Umaram rahmet-i Rahmânı kunût eylemezem Vay eğer ‘adi ider ise bana ‘ukbâda Hudâ **** Gele imdâd ide rahm eyleyüb ol demde kerem Ol şefî’ü’l-müznibîn şâh-ı rüsûl kân-ı vefâ **** Hüsn-i zann it Hazret-i Gaffâra Kuddûsî hemân Çünki eyler ‘abdinin ol zannına göre cezâ Ahmed Kuddusi