Ol Görür Yarını

Ol görür yârını yârın kim bugün yârın görür Görmeyen yârını bunda ol kaçan yârın görür Şek değildir yârı bilmez şol ki nefsin bilmedi Yârını bilendir ol kim kendi mikdârın görür ‘Ârif eyler dem-be-dem çün Ka’be-i vaslın tavâf Zâhid-i hod-bîni gör ki Ka’be dîvârın görür Her ki kesretden geçüp oldı vücûdundan halâs Vahdetin sırrın bulup ol Hakk’ın envârın görür Ol hümâ-himmet Fenâyî eyle matlûba ‘urûc Arzû-yı cennet itmez şol ki dildârın görür