Olmak Dilersen Derviş Ol

Ger şehenşâh-ı cihân olmak dilersen dervîş ol ‘Âlem-i ıtlâka hân olmaḳ dilersen dervîş ol Bûsitân-ı ‘âlemin âlâyişinden el yuyup Su gibi sâf u revân olmak dilersen dervîş ol ‘Aşk ile olup cihânda derbederlikden halâs Gel kabûl-i âsitân olmak dilersen dervîş ol Ger Süleymân isen incitme karınca gönlünü Vahş u tayra hem-zebân olmak dilersen dervîş ol Kûh-ı gamda cân-ı Şîrin’den geçüp Ferhâd-veş ‘Aşk ile ger dâstân olmaḳ dilersen dervîş ol Eyleyüp ey dil bu kayd-i dâm-ı hâkîden güzer Bülbül-i kuds-âşiyân olmak dilersen dervîş ol ‘Aşkiyâ ger ‘âlem-i lâhûte pervâz eyleyüp Şâhbâz-ı lâ-mekân olmak dilersen dervîş ol