Olmuşdur Vücud

Gör ne ism-i a’zam olmuşdur vücûd Özge sırr-ı mübhem olmuşdur vücûd Sûretâ kılsan nazar bir katredir Ma’nâda ammâ yemm olmuşdur vücûd “Semme vechullah” bir âyînedir Ey ‘aceb câm-ı cem olmuşdur vücûd Fi’l-hakîka sûret-i Rahmân iken Zâhiren bir âdem olmuşdur vücûd Dîde-i hak-bîn ile âyâta bak Zî-kelâm-ı muhkem olmuşdur vücûd Hakkıyâ ketme eylemek mümkin değil Dest ü gûş u dîdem olmuşdur vücûd