Olur Savtı Hazin İle

Olur savt-ı hazîn ile dile zikr-i Hudâ’dan haz Gelir elbette tıfla girye-i rikkat-fezâdan haz Olur zikr-i Hudâ derd-i dilin her dem devâ-sâzı Marîz-i derd-i ‘aşk olan bulur elbet devâdan haz Zikirden mahv u müstağrak olur dil bahr-ı mezkûra Fenâ içre gelir ‘uşşâka vasl-ı dil-rübâdan haz Tutuşdur âteş-i tevhîd ile hestî-i mevhûmu Garîk-i vahdete olmaz serâb-ı mâsivâdan haz Gelüp reng-i sivâ rûy-i dilârâya nikâb oldu Ki nâ-mahrem olanlar bulmaya zevk-i likâdan haz Nikâbı kaldırup gör her vechden vech-i dildârı Temâşâgâh-ı vuslatda ola zevk u safâdan haz Elin çek bezm-i kesretden mey-i vahdetle güm-nâm ol Salâhî ger dilersen sırr-ı zât-ı Kibriyâ’dan haz