On Sekiz Bin Alem İçre

On sekiz bin ‘âlem içre dâr Hû deyyâr Hû Yerdeki seyyâr Hû vü gökdeki ṭayyâr Hû Şâh-ı ‘âlem-gîr Hû vü şol vezîr ü mîr Hû Bende vü âzâd Hû vü yâr u hem ağyâr Hû Şeyh u sôfî vü kemer-bend-i fenâ vü fakr Hû Zâhid-i sâlûs Hû vü rind u hem ‘ayyâr Hû Dâhil-i deyr ü kenîse ‘abd-i mihrâb Hû Mescid ü meyhâne vü ser-mest ü hem hüş-yâr Hû Atlas u kâlây-ı kıymetdâr-ı her bâzâr Hû Dirhem ü dînâr Hû vü elde şol mi’yâr Hû Ger melekdir ger felekdir ger olupdur ins ü cân Cümle-i mahdûd u ma’dûd endek ü bisyâr Hû Yezdiyâr u Ehrimen Hû mazhar-ı Yezdân Hû Kutb-ı ‘âlem Hû vü aktâb u kamu ahyâr Hû Bülbül ü gülgonce vü gülzâr u hâristân Hû Murg u mâr u mûr u mâhî dâne vü meyyâr Hû Zerre-i nâ-îz ü hurşîd-i cihân-ârây Hû Katre-i kem-kadr u bahr-i zâhir-i teyyâr Hû Ger garîb u ger müsâfir ger piyâde ger süvâr Ger ‘atîk u ger zelûl u şa’b u ger kayyâr Hû Hakkıyâ Hakk çün tecellî eyledi ‘âlemlere Şeş cihetde her ne vâr ise didi ey yâr Hû Kenz-i mahfîde ne denlü vâr ise sır oldu fâş Her birin bir yüzden anın gör nice yayar Hû