Abdullah Tamamlar
Rüzgarın Hali
visibility
21 Okunma
Rûzgârın hâli dâim inkılâb üstündedir
Bâd ile mebnî-durur bünyâdı âb üstündedir
Hâk u ateş zıdd u nedd-durur hevâ vü âb ile
Yok-durur anunçün karârı san serâb üstündedir
Çok nedâmet yir ‘imâret eyleyen bu fânîde
Yıkılup vîrân olur ol kim harâb üstündedir
Bir nefesledir kıyâmı ve ku’ûdu ‘âkıbet
Bir dem ile yok olur gûyâ habâb üstündedir
Tîre olur ol kişiye kim ide anı makâm
Gûyiyâ anın esâsı bir gubâr üstündedir
Nice şâd ola gönül ol yerde kim cismi anın
Mihnet ü derd ü belâ ile ‘azâb üstündedir
Ey Hayâlî lutfuna aldanma dehrin key sakın
Rûzgârın hâli dâim inkılâb üstündedir