Sabunı İstiğfar İle

Ey dil yeter üftâdesin çirkâb-ı nefs-i dûna sen Sâbun-ı istiğfâr ile eyle libâs-ı kalbin ağ Levs-i hevesle nice bir âlûdesin geç cümleden Sâbun-ı istiğfâr ile eyle libâs-ı kalbin ağ **** Meyl-i sivâyı kendine itdin bugün bir özge kâr Her dem birer olmaz heves kıldın neden sen ihtiyâr Bu türlü türlü renk ile âhir olursun şerm-sâr Sâbun-ı istiğfâr ile eyle libâs-ı kalbin ağ **** ‘Isyâna cür’et eyleme cevre cesâret eyleme Kahr u celâl-i Hâlık’ı yâd it sefâhet eyleme Hakkı yeter âlûdelik ‘ömrün ziyâ’et eyleme Sâbun-ı istiğfâr ile eyle libâs-ı kalbin ağ