Abdullah Tamamlar
Secdedir Her Kanda
visibility
19 Okunma
Secdedir her kanda bir büt görsem âyînim benim
Hâh kâfir hâh mü’min tut budur dînim benim
Bâğ-ban şimşâd ü nesrinin bana arz etme kim
Ol kad ü ruhsârdır şimşâd ü nesrînim benim
Hâk-i der-gâhın nazardan sürme ey seyl-âb-i eşk
Kılma zâyi sürme-i çeşm-i cihân-bînim benim
Eşk mevci gezdirir her yan tenim hâşâkini
Mümkin olmaz eşk tahrîkiyle teskînim benim
Çâre umdum lâ’l-şîrininden eşk-i telhime
Telh güftâr ile aldın cân-i şîrinim benim
Bende sâkin oldu derd-i aşk Mecnun’dan geçip
Andan artuktır meger aşk içre temkînim benim
Ey Fuzûlî her yeten ta’n eyler oldu hâlime
Bu yeter ehl-i melâmet içre tahsînim benim
Fuzuli