Şefaat Tahtına Sultan Olan

Şefâ’at tahtına sultân olan yevm-i kıyâmetde Kemâlâtı kemâle ermiş olandır risâletde O ki ser-defter-i sırr-ı “ev ednâ”da bulan şöhret Münevver neyyir-i a’zam doğan ‘arş-ı sa’âdetde Tecellîhâne-i Hakk’dır mukarrebler metâfıdır Ezelde kâsim-i feyz-i ilâhîdir hidâyetde Kerem-şân mihr-i nûr-efşân meyân-ı enbiyâ zî-şân Ana emsâl olan kimdir bugün şân u şerâfetde Odur nûr-ı ilâhîden mürekkeb efdal-i mahlûk Ezelden tâ-ebed dâim olandır bu hilâfetde Bu bir muhtâr-ı Mevlâ’dır mukaddemde muahharde Vücûda gelmemiş mevcûd böyle ahsen kıyâfetde Muhammed Lutfî’dir zâr u zebûn dermânde bir kemter Kulundur kurbânındır dîde-bân bâb-ı ‘inâyetde