Şehi Tahtı Fenadır

Şeh-i taht-ı fenadır bende-i fermân-ı Mevlânâ Meh-i evc-i bakâdır mazhar-ı ihsân-ı Mevlânâ **** Nazar-gâh-ı Hudâ’dır menba’-ı iman u îkandır Mutâf-ı âşıkândır sâha-i meydân-ı Mevlânâ **** Kemâl-i kâmurânîdir cemâl-i câvidânidir Sirâc-ı zinde-gânidir ruh-ı râhşan-ı Mevlânâ **** Kurulsun sâğar-ı sâkî içilsin şerbet-i bâkî Bezetsin cümle uşşâkı kadeh-nûşân-ı Mevlâna **** Koşar şem’-i şebistâne fedâ-yı câna pervâne Gelince saff-ı devrâne küleh-pûşân-ı Mevlâna **** Zaman şâdî zemin gülşen kulûb-i sâlikândır şen Edip her kûşeyî rûşen meh-i tâbân-ı Mevlânâ **** Olur habl-i emel mümted makâm-ı ma’nevi emced Ger olsa gâh-ı Es’ad gönül mihmân-ı Mevlânâ