Semendi Tabına Bakma

Semend-i tab’ına bakma yol almağa sa’y it İriş makâm-ı dile Hakk’ı bulmağa sa’y it Boşal bu fikr-i sivâ-yı Hudâ’dan ey sâlik Gam-ı muhabbet ile var dolmağa sa’y it Nice bir menzil-i ten bekleyesin mihnet ile Bu hâneden göçüp ol cânda kalmağa sa’y it Hümâ gibi yürü bâlâya per küşâd eyle Hevâ-yı ‘aşka dil-i pâki salmağa sa’y it Dem-i ciğerle vudû’ eyle pâk ü tâhir ol Namaz-ı dâimi var sen de kılmağa sa’y it Çıkarmak ister isen ger güherlerin ‘aşkın Yem-i derûn-i dile Hakk’ı dalmağa sa’y it