Abdullah Tamamlar
Senin Mihrinledir
visibility
28 Okunma
Senin mihrinledir her zerre zâhir
Ki sensin vahdet-i zâtınla kâhir
Sen evvelsin hem âhirsin velâkin
Ne evvel var sana hergiz ne âhir
Dahi zâhirsin ü hâtırsın ey dost
Niçün sôfî ider nefy-i havâtır
Bana vir câm-ı ‘aşkın cür’asından
Velâkin “lâ ‘alâ eydi’l-mezâhir”
Nice gâib olur dil hazretinden
Kim bilmişdir seni her hâlde hâzır
Kamunun mahrem-i esrârı sensin
Ki sensin dem-be-dem her kalbe nâzır
Bulursa nûrunu gönlünde Hakkı
Olur ‘aşkın yolunda cânı mâhir