Tecelli Eyle Ya Allah

Kemâl-i inkişâfınla tecellî eyle yâ Allah Dahi zât u sıfatınla tecellî eyle yâ Allah Hakîkat şem’ini yandır şerâb-ı vahdete kandır Sevdâna gönlümüz döndür tecellî eyle yâ Allah Çü sensin cümleden akreb senindir millet ü mezheb Cemâlinden hemân matlab tecellî eyle yâ Allah İşimiz her nefes âh it kamû maksûd Allah it Visâlin bize hemrâh it tecellî eyle yâ Allah Tecellî it sıfatınla dahi envâr-ı zâtınla Kamu cümle ‘usâtınla tecellî eyle yâ Allah ‘Asâkir olalar mansûr livâü’l-hamd ola pür-nûr ‘Adüvv diyen ola makhûr tecellî eyle yâ Allah Bize zikrini hemdem kıl visâlinle mükerrem kıl Harîm-i kudse mahrem kıl tecellî eyle yâ Allah ‘Ulûmun menba’ı gelsin ledünnün mahremi gelsin Zıyâ-i Ma’nevî gelsin tecellî eyle yâ Allah