Tevhid İle

Kalbini bâğ-ı cinân et ravza-i tevhîd ile Cân dimâğın kıl mu’attar nefha-i tevhîd ile Ka’be-i nûr-ı siyâhın bî-nihâyet yolların Kat’ ider erbâb-ı ‘aşk bir lemha-i tevhîd ile Her ne denlü rû-siyâh etdiyse ‘isyânın seni Ağarır bî-şekk yüzün bu garra-i tevhîd ile Mâverâ-yı ins ü cinni seyr idüp ‘arşa çıkar Kim ki mi’râc eylediyse cezbe-i tevhîd ile Ey Niyâzî ‘ârif-i billâh gönülden selb eder On sekiz bin perdeyi bir lem’a-i tevhîd ile