Topı Dilden Çıkdı

Top-ı dilden çıkdı gülle-i âhım Mâh-ı münevveri deldi de geçdi Andan pertev edüp çeşm-i siyâhım Hurşîd-i hâveri deldi de geçdi **** Çenber-i eflâki etdi bî-karâr Kal‘a-i Hayber’i yıkdı âşikâr Sedd-i İskender’i kıldı târ u mâr Kāf-ı mücevheri deldi de geçdi **** Lutfi bu âhından titredi âlem Kıyâmet mi kopdu yoksa Muharrem Zâr u zâr inledi gülzâr-ı İrem Burc-i sîm ü zeri deldi de geçdi Alvarlı Efe Muhammed Lütfi Hazretleri