Uçup Mürgi Akıl Eyvah

Uçup mürg-i ‘akıl eyvâh kulûbun âşiyânından Değil vâkıf kolay hal bir kişi kârı ziyânından Ne hayretdir güneş-veş her belâ günden ‘ayân olmuş Ne nikmetdir bu gaflet bu felâketler devânından Basîret ü basar yok mu bütün bu a’yün-i nâsda Keder yok mu yarın rûz-i cezâ Hakk’ın dîvânından Nazar kıl mağrib ü maşrık belâ balıyla dolmuşdur ‘Aceb âgâhiyân var mı nâsın pîr ü civânından Belâ bahrine gark itdi gadab ile Teâlallah Gadabı fark iden kimdir bu devriyât revânından Çocuklar gibi ağzımız sözü kalbimize girmez Kulak ister eser alsın mükedderler şivânından Meğer nâzır ola şems-i hidâyet nûriyle gözler Eyâ Lutfî meğer Mevlâ ide îkâzı şânından