Vahdet İline Aşık

Vahdet iline ‘âşık eğer irgüre râhı Kesret ilinin bir görüne kûh ile kâhı Fark eylemeye mertebede bendeyi şâhı ‘Âlemde ‘aceb ‘izzet olur ‘aşk-ı ilâhî ‘Aşk ile eğer olur ise zâkir-i esmâ İsminde zuhûr ide ana vech-i müsemmâ Her şeyde tecellîsi ola zâhir ü peydâ ‘Âlemde ‘aceb ‘izzet olur ‘aşk-ı ilâhî Şevk ile semâ’ eylese yâ ‘aşk ile devrân Soyuna sivâ sevbini çâk itse giribân Ref’ ide ana hicâbı ara yerden ana cânân ‘Âlemde ‘aceb ‘izzet olur ‘aşk-ı ilâhî ‘Âşıkları mesrûr kıla zevk u safâsı ‘Âlemleri pür-nûr ide anda zıyâsı Eflâki geçüp ‘arşa çıka sıyt u sadâsı ‘Âlemde ‘aceb ‘izzet olur ‘aşk-ı ilâhî Nûrî’ye eğer nûr-ı Hudâ ola nümâyân Kevneyni taleb eylemede ola peşîmân Cân ile cenân ile ola tâlib-i cânân ‘Âlemde ‘aceb ‘izzet olur ‘aşk-ı ilâhî