Vuslat İlinin Çün Gülü

Vuslat ilinin çün gülü handân-ı zikrullah olur Gülzâr-ı ‘aşkın bülbülü nâlân-ı zikrullah olur Olsa meded dil nehrine atsa sivâyı zahrine İrse hakîkat bahrine ‘ummân-ı zikrullah olur Terk-i hevâ eylese şol âsân olur ana bu yol Hakk’a olur sıdk ile kul sultân-ı zikrullah olur Derdi ile dil-hûş olan ‘aşkı ile medhûş olan Firkat gamına düş olan giryân-ı zikrullah olur Bîçâre gafletden uyan irdi Hakk’a gayrı yuyan Bu yolda cânına kıyan kurbân-ı zikrullah olur