Zahida Sanma Bizi

Zâhidâ sanma bizi biz nefs iğvâsındayız Ya cihâna meyl idüp dünyâ temennâsındayız Yanarız nâr-ı mahabbetle demâdem şem’-veş Dûdumuz serden çıkar biz ‘aşk sevdâsındayız Olmadık dünyâ-yı dûna cân ile biz müşterî Zîrâ birkaç gün hemân ancak temâşâsındayız ‘Âriyetdir ten libâsından dahi ‘âr eyleriz Ne palâsın isteriz dehrin ne dîbâsındayız Künc-i mescid mesken olmaz ser-bürehne ‘âşıka Zâhidâ Mecnûn-vâr biz ‘aşk sahrâsındayız Bir olaldan yanımızda âsumân ile zemîn Anın içün biz anın ne zîr ü bâlâsındayız ‘Âşıkız ancak hemân dîzârdır maksûdumuz Sanma cennet isteriz zâhid ya havrâsındayız Çün miyân-ı yârda varlık hicâb oldu bize Dâimâ alup nefes virdikçe ifnâsındayız Nakş-i dünyâya Muhibbî dil virüp aldanmazız Sûrete meyl itmeziz zârâ ki ma’nâsındayız